مسيحيو الشرق لأجل المسيح

لأَنَّهُ هَكَذَا أَحَبَّ اللَّهُ الْعَالَمَ حَتَّى بَذَلَ ابْنَهُ الْوَحِيدَ لِكَيْ لاَ يَهْلِكَ كُلُّ مَنْ يُؤْمِنُ بِهِ بَلْ تَكُونُ لَهُ الْحَيَاةُ الأَبَدِيَّةُ.

بين نجع حمادي وبغداد : أنا كان عندي ولد

Posted by mechristian في نوفمبر 5, 2010

بين نجع حمادي وبغداد : أنا كان عندي ولد


ياسر يوسف

انا كان عندى ولد

 

والولد يا سادة فى بلدنا عزوة وسند
ولدى يا ناس
ضربوه الغز بالرصاص
لا كان فيه حكومة
ولا حراس
ولا ناس
قتلوه بعد القداس ..
د انا كنت مستلفه من الزمن
لو مزنزق فيه يا وطن
خدنى انا
انا شوية عضم
لا لون ولا طعم ..
شبعان ايام
ولا انت يا بلد
ما تفرحش غير بالعود الطرى
يا وطن مفترى
ابنى اتقتل
وانت أخر واحد درى
لا طبطبت على اللى مات
ولا طلبت السماح من اللى نجى
وداريت ع الجانى لما جرى
انا كان عندى ولد
والولد يا سادة فى بلدنا عزوة و سند
وديعتك يا رب
ومتغلاش عليك
الجرح صعب
بس حلو من ايديك
انا كان عندى ولد …

Sorry, the comment form is closed at this time.

 
%d مدونون معجبون بهذه: