عودة الشرق الأوسط للمسيح

لأَنَّهُ هَكَذَا أَحَبَّ يَهْوِه الْعَالَمَ حَتَّى بَذَلَ ابْنَهُ الْوَحِيدَ لِكَيْ لاَ يَهْلِكَ كُلُّ مَنْ يُؤْمِنُ بِهِ بَلْ تَكُونُ لَهُ الْحَيَاةُ الأَبَدِيَّةُ.

«
»

ازاى احبك يابلد وانتى مش حبانى

Posted by mechristian في جويلية 1, 2010

ازاى احبك يابلد وانتى مش حبانى

أحمد فؤاد نجم

ازاى احبك يابلد وانتى مش حبانى

إزاي أعيش وأموت وأندفن في أرض رفضاني

بنام وأحلم ببكرة الأقي بكرة زود أحزاني

أه يا بلد لو بإيدي كنت أهدك وابنيكى من تانى

بيقولك تعديل دستوري إحنا عايزين تعديل إنساني

كل إنجازات البلد أنفاق وكباري

بلد بتموت وشعب فى حالة سكوت وكانها لعبة اتارى

من كتر الظلم والضلمة بقول ياريت ايام الملك والانجليز ترجع تانى

أه يا بلد مليت بحبك الدفاتر مع العلم أنك قتلاني

مين اللي قال أن عبارة السلام غرقت

ومين اللي قال أن ممدوح إسماعيل قاتل وجاني

اللي غرقت مصر واللي غرق ما بيطلعش حى تانى

هو يطلع من صالة كبار الزوار

وأنا اتحبس في سجن المطار واتعرض علي البحث الجنائي

انا اللي من صغري أخترتك سكتي أتريها سكة أحزاني

أنا اللي من صغري أخترتك كلمتي ألاقيكي مقيداني

أه يا بلد نفسي قبل ما أموت الاقي زمانك وزمانى

إتغربت أكتر من سبع سنين ورجعت لاقيت الغربة هنا شكل تانى

بلد بتعاني بكل المعاني بكياني وانا أملى أحس بكيانى

عشرين سنة مخلص محبوس بين جدران دكاني

نفسي أعيش من غير ما أنافق السلطان والسلطاني

نفسي أعيش من غير ما أنافق ولا حتي أبويا اللي رباني

بكرة نتحاسبو علي السكوت وعلي العيشة العميانى

إبني مكملش سنتين نايم جنب مني بيشد في شعري ويحط صبعه في وداني

ويضربني بالقلم ولسان حاله بيقول ليه يابا خلفت تاني

وأنا في سري بأقول ياريتك يا أحمد يابني ياباني إبن ياباني

مع إن وجودك في الدنيا عمل فيا وخلاني

أحب البلد أكتر وأهد جدران دكاني

شيخ الأزهر بيقول المعارضة حرام

وانا نفسى أعرف آية الحلال فى بلد الميت مليون حرامى

This entry was posted on جويلية 1, 2010 في 1:59 ص and is filed under سياسة, شعر. You can follow any responses to this entry through the RSS 2.0 feed. Responses are currently closed, but you can trackback from your own site.

Sorry, the comment form is closed at this time.

«
»
 
%d مدونون معجبون بهذه: